Lurra, klima eta mahats-barietateak
Mahastiak
2013tik Baztango lurretan.
Arizkun herrian 3Ha mahasti
Gure mahastiak
3 hektarea mahasti ditugu landatuak, Baztango ARIZKUN herriko lau partzelatan: Meakan, Urtsuan, Larrebazterreko luberrian eta Larregainean.
Mahats barietateak
Kantauri isurialdean ongi egokituak dauden mahats bariedadeak landatu ditugu: txakolina egiteko erabiltzen den Hondarrabi zuri eta Irulegiko sor markan ohikoak diren Izkiriota handia eta ttikia (Gros Manseng, Petit Manseng). Eta hauen osagarri, Riesling.
Nekazaritza ekologikoa
Nekazaritza ekologikoaren irizpideen arabera lantzen dugu mahastia, CPAEN/NNPEK-ren egiaztatzearekin.
"Baztanen lan egin eta bizi nahi dugulako, bertan ziklo osoa gauzatuz: mahastia landu eta ardoa hemen eginez."
Gure mahastiak
Arizkunen dauzkagun mahastiak hauek dira: Meaka, Urtsua, Larrebazterreko luberria eta Larregaina. Inguru honetan dauzkagu beharrezkoak diren baldintzak betetzen dituzten lurrak: orientazio eta malda egokiak, ongi aireztatuak eta 250-300 metroko altitudean daudenak.
Meaka
Aintzialde auzoan dago. Lehen iratzezelaia izandako lur azidoetan. Haritz zaharrez inguratua, hego-ekialdera orientatua eta partzela haizetsua. Izkiriota ttikia (Petit Manseng) eta Riesling landareekin. 2013an landatua. 285 m-tako altuera (622731,4780363).
Urtsua
Ordoki auzoan dagoen Urtsuko jauregi ondoko magalean. Hegoaldera orientatua eta %20ko maldarekin. Izkiriota handia (Gros Manseng) eta Hondarrabi Zuri barietateak landatu genituen 2013an. 260 m-tako altuera (623631,4782140).
Luberria
Larregaina
Sasitzen hasiak ziren lurrak eta belardia orain mahasti bilakatuak. Hegoaldera orientatua, 2018an Izkiriota Handia landatua. 350 m-tako altuera (623914,4780688).
